Madridning «Real» klubi darvozaboni Kiko Kasilya Ispaniya Kubogi nimchorak final ilk bahsidan o'rin olgan «Sevilya»ga qarshi kechgan uchrashuvdan so'ng o'z fikrlari bilan o'rtoqlashdi. «Biz birinchi bo'limni yuqori darajada o'tkazdik, ikkinchi bo'limda esa o'sha tempni va ustunlikni saqlab qoldik. Jamoa yaxshi o'ynadi, mana shu ruhda davom etishimiz kerak. Ko'p vaqt maydonga tushmas ekansan, bu o'yininga ta'sir o'tkazishi mumkin, ammo men hech qanday muammoga uchramadim va maydonda o'zimni qulay his qildim. Xames – juda kuchli futbolchi, u jamoa uchun juda muhim. U o'yinda hammadan ajralib turdi va ikkita gol kiritishga muvaffaq bo'ldi, men bundan juda xursandman. Bugungi hakamlik jamoalarga xalal bermadi deb hisoblayman. Har qanday jamoa futbolchilari hakamdan penalti talab qilishlari odatiy hol, ammo so'nggi qarorni hakam chiqaradi», – deydi Kasilya.
— deya xabar beradi uff.uz nashri.