«Manchester Yunayted» klubi hujumchisi Ueyn Runi jamoaviy mashg'ulotlarga qaytdi, deya xabar qilmoqda Mirror nashri. 31 yoshli futbolchi jarohat tufayli jamoasining Premer-liga bahslari doirasida «Sanderlend» (3:1), «Midlsbro» (2:1) va «Vest Xem» (2:0) klublariga qarshi kechgan uchrashuvlarini o'tkazib yubordi. Runi Angliya Kubogi 1/32 final bosqichidan o'rin olgan «Reding»ga qarshi uchrashuvda maydonga tushishi mumkin, ammo «MYu» ustozi Mourinoning ushbu uchrashuvda yosh futbolchilarga imkoniyat berishi kutilmoqda. «Manchester Yunayted» - «Reding» uchrashuvi 7 yanvar kuni «Old Trafford» stadionida soat 17:30 da boshlanadi.
— deya xabar beradi uff.uz nashri.