“Qo'qon-1912“ jamoasining ikkinchi yig'ini 3 yanvar kuni boshlangani haqida xabar berib o'tgandik. Toshkentda davom etayotgan yig'inda futbolchilar kuniga ikki mahal mashg'ulot o'tkazishmoqda. Tarkibdagi o'zgarishlarga kelsak, 2016 yilgi mavsumda “So'g'diyona” sharafini himoya qilgan Akmal Xolmurodov “Qo'qon-1912” yig'iniga kelib qo'shildi. Jamoa ishqibozlari uchun xushxabar. Toshkentdagi yig'inda safiga Javohir Sidiqov ham kelib qo'shildi. O'tgan mavsum kashfiyotlaridan biri sifatidi e'tirof etilgan, muxlislarning yoqimtoyiga aylangan ushbu yosh futbolchi joriy yilda ham “Qo'qon-1912” jamoasi sharafini himoya qiladigan bo'ldi. Vakillarimiz 8 yanvar kuni 2017 yildagi birinchi o'rtoqlik uchrashuvini o'tkazishadi. Yakshanba kuni Qibrayda bo'lib o'tadigan o'yindagi raqib – “Paxtakor” jamoasi bo'ladi. Ushbu bahs soat 12:00da boshlanishi ko'zda tutilgan.
— deya xabar beradi uff.uz nashri.