Mavsumga tayyorgarlikni Toshkentda davom ettirayotgan jamoamiz safi bugun ikki nafar futbolchi bilan kengaytirildi. O'tgan mavsumni “Olmaliq” klubida o'tkazgan mahoratli yarim himoyachi Zohir Pirimov “Navbahor” tarkibidagi dastlabki mashg'ulotda qatnashdi. Kunning ikkinchi yarmida esa jamoamizning vaqtinchalik qarorgohiga yana bir yarim himoyachi Mirzohid G'ofurov ham etib keldi. Bugun futbolchilarimiz bir mahallik mashg'ulot bilan cheklanishgani sababli G'ofurov mashg'ulotlarga ertaga kirishadi. Avval xabar berganimizdek, jamoamiz a'zolari Respublika sport tibbiyoti ilmiy amaliy markazida tibbiy ko'rikdan o'tishadi. Aynan shu sababli ham futbolchilarimiz bugun bir mahallik mashg'ulotda qatnashishdi. Tez orada jamoamiz tarkibidan boshqa yangi o'yinchilarni ham joy olishlari kutilmoqda
— deya xabar beradi uff.uz nashri.