«Manchester Yunayted» klubi bosh murabbiyi Joze Mourino hujumchi Memfis Depay va yarim himoyachi Morgan Shneyderlenni qo'yib yuborishga tayyorligi, ammo ularning transferi borasida yaxshi taklif yo'qligini aytib o'tdi. «Vaziyat hali ham o'sha-o'sha. Men ularni qo'yib yuboraman, qachonki klub to'g'ri keladigan taklif olsa. Unaqasi hozircha yo'q. Agar oddiy vaziyat bo'lganda ular ertagayoq zayavkaga kiritilar edi, ammo bunday bo'lmaydi, biz takliflarni kutmoqdamiz. Bir necha hafta oldin ularning ketishi 100% edi, hozir esa 0%, chunki bizda ularning saviyasiga to'g'ri keladigan taklif yo'q. Biz ularni sotmoqchimiz, ijaraga berish niyatimiz yo'q», — deya Mourino so'zlarini keltirmoqda Sky Sports nashri.
— deya xabar beradi uff.uz nashri.