FIFA yilning eng yaxshi futbolchisiga topshiriladigan sovrinni namoish etdi. Sovrin «The Best» deb nomlandi, deya xabar qilmoqda FIFA rasmiy sayti. Xabaringiz bor, 2016 yildan boshlab, France Football nashri «Oltin to'p», FIFA esa o'zining «The Best» sovrinini topshiradi. O'tgan yilgi natijalarga ko'ra «Oltin to'p» «Real» hujumchisi Krishtiano Ronalduga topshirildi. «The Best» sovriniga Krishtiano Ronaldu («Real»), Lionel Messi («Barselona») va Antuan Grizmann («Atletiko») davogarlik qilmoqdalar. Sovrin topshirish marosimi 9 yanvar kuni Tsyurixda bo'lib o'tadi.
— deya xabar beradi uff.uz nashri.