Madridning "Real" klubi bosh murabbiyi Zinedin Zidan jamoa hujumchisi Krishtianu Ronaldu ham boshqalar qatori rotatsiyada ishtirok etishini aytib o'tdi.
"Ronaldu bilan rotatsiya masalasida gaplashib oldim. Matbuot bir narsani tushunishi lozim, Krishtianu  - aqlli futbolchi. U butun mavsum davomida yaxshi formada qolishini istayman.
70 kunda 20 ta o'yin o'tkazish - haddan tashqari og'ir ish. Ronaldu dam olib turishi lozim va bu fikrga uning o'zi ham qo'shildi. Hech qanday muammo yo'q.
Shubhasiz futbolchi sifatida u har hafta maydonga tushishni istaydi. Ammo bu borada u bilan gaplashib oldik", - deydi Zidan.
— deya xabar beradi uff.uz nashri.