"Chelsi" klubi hujumchisi Diego Kosta "Liverpul"ga qarshi o'yinda himoyachi Martin Shkrtelni oyog'i bilan tepgani uchun diskvalifikatsiya qilinishi mumkin. Kosta to'p uchun kurashda yiqilib tushib, hakam ko'rmayotganidan foydalanib, Shkrtelning qovurg'asiga oyog'i bilan tepgandi. O'yin bosh hakami Mark Klattenburg ushbu holatda jarima zarbasi belgiladi, ammo Kostaning qo'polligini ko'rmay qoldi. Endilikda Angliya futbol assotsiatsiyasi ushbu epizodni qaytadan ko'rib chiqib, hakamning bayonotini tinglamoqchi. Agar hakam ushbu vaziyatni ko'rganini, ammo qo'pollik yo'qligi uchun Kostaga ogohlantirish bermaganini aytsa, Ispaniya terma jamoasi a'zosi jazodan qutulib qoladi. Aks holda esa, Kosta diskvalifikatsiya qilinishi mumkin.
— deya xabar beradi uff.uz nashri.