"Arsenal" bosh murabbiyi Arsen Venger yarim himoyachi Granit Jaka borasida fikr bildirdi. Shveytsariyalik futbolchi joriy mavsum Angliya chempionatida 14 o'yinda ikkita sariq va bitta qizil kartochka oldi. Jaka 2014 yildan buyon umumiy hisobda 8 marta maydondan chetlatilgan.
"Uning o'yinini diqqat bilan tomosha qilsangiz, qo'pol o'yinchi emasligini ko'rasiz. Umuman olganda, uning himoyadagi o'yinida mamnunman.
U yakkakurashlarda g'olib chiqish uchun jismoniy kuchidan ko'p foydalanadi va to'pga tezroq etib borish uchun yuqori tezligidan foydalanishi mumkin.
U avvalgiga nisbatan himoyaga ko'proq e'tibor bermoqda. Bu borada ancha kuchaygan", - deydi Venger.
— deya xabar beradi uff.uz nashri.