7 yanvar kuni Malayziyaning Johor shtatida professional boks kechasi bo'lib o'tadi. Beshta jangdan ikkitasida o'zbekistonlik nokautchi bokschilar - Qudratillo Abduqahhorov va Azizbek Abdug'ofurov navbatdagi janglarini o'tkazadi.
 
Professional boksda engilmay kelayotgan Qudratillo Abduqahhorov to'qqizinchi jangida filippinlik pancher Romeo Jakosalem (18-13-1, KO 10) bilan kuch sinashadi. O'n raundga belgilangan jang ko'pchilik mutaxassislar va muxlislar e'tiborini qozonmoqda.
 
Nokautchi bokschimiz Azizbek Abdug'ofurov professional boksdagi faoliyatini endigina boshlaganiga qaramasdan, katta tajribaga ega charm qo'lqop ustalari bilan jang qilayotgani ko'pchilikning e'tiborini tortmoqda.
 
Bugan Azizbek ellikka yaqin jang o'tkazgan va g'alaba qozonish usulini yaxshi o'zlashtirgan indoneziyalik Aleksander Bayavaga qarshi ringga ko'tariladi. Bu bokschi professional ringda jami 47 ta jang o'tkazib, shulardan 41tasida (14 nokaut) zafar quchgan bo'lsa, 2 mag'lubiyat va 4 durang qayd etgan.
 
Bo'lajak jangda Qudratillo Abduqahhorov va Azizbek Abdug'ofurovga omad va g'alaba tilaymiz!
— deya xabar beradi uff.uz nashri.