"Manchester Yunayted" bosh murabbiyi Joze Mourino yarim himoyachi Bastian Shvaynshtayger jamoada qolishini aytib o'tdi.
"Shvaynshtayger "Reding"ga qarshi ilk daqiqalardan maydonga tushishi mumkin, ammo zaxirada qolishi ham hech gap emas. U bizning e'tiborimiz markazida - ayni vaqtdagi vaziyatni izohlash uchun eng yaxshi gap mana shu.
Bir necha oy davomida biz uning o'yinlarini ko'rib chiqmadik. Keyin esa tarkibga qaytarishga qaror qildik, ammo Bastian hali raqobatga tayyor emas edi. Shundan buyon u ko'p ishladi, ammo o'tgan hafta boshida biroz kasal bo'lib qoldi. Hozir barchasi joyida, u mashg'ulotda yaxshi ishtirok etmoqda.
Agar o'yinchi maydonga tushmasa, men uni boshqa jamoaga o'tib ketishdan ushlab tura olmayman. Bastian "Vest Xem"ga qarshi bir necha daqiqa o'ynadi holos, ammo u jamoada qolishni istamoqda. Va u qoladi", - deydi Mourino.
— deya xabar beradi uff.uz nashri.