Shu kunlarda ikkinchi yig'inni o'tkazayotgan «Mash'al» jamoamiz o'z tarkibiga bir qator yangi futbochilarni jalb etgan va nazortdan o'tkazmoqda «So'g'diyona» jamoasi safida 6 yildan buyon to'p tepib kelayotgan Bobur Qosimov «Mash'al» jamoamizning bu yilgi ilk xaridlaridan biri bo'ldi «Mash'al» Bobur bilan ikki yillik kelishuvga erishdi. Qosimov «Mash'al»ning har ikki yig'inida ishtirok etdi va murabbiylar uni jamoada olib qolishga qaror qilishdi. Bobur endilikda ikki yil mobaynida «Gazchilar» sharafini himoya qiladi. Jamoamizning yana bir xaridi bu Abdulloh Olimov bo'ldi. Olimov jamoamiz safiga «Qo'qon-1912» jamoasidan kelib qo'shildi. Abdulloh Olimov ham «Mash'al» bilan ikki yillik bitim imzoladi endilikda u ham keyingi mavsum boshlab jamoamiz sharafini himoya qiladi. Jamoamizning yangi xaridi bo'lgan har ikkala futbolchimizga keyingi boshlanajak mavsumda omad tilaymiz.      
— deya xabar beradi uff.uz nashri.