Madridning "Real" klubi hujumchisi Benzema Ispaniya chempionati 17 turida "Granada"ga qarshi kechgan o'yinda gol urishga muvaffaq bo'ldi.
Shu tariqa frantsiyalik hujumchining hisobidagi gollar soni 172 taga etdi va bu borada u afsonaviy Emilio Butragenodan o'zib ketdi. Ayni vaqtda Benzema "Real" to'purarlari ro'yxatida 8 o'rinda bormoqda. Ettinchi o'rindagi Fransisko Xentoning hisobida 182 ta gol bor.
Eslatib o'tamiz, Benzema 2009 yilda "Lion"dan "Real"ga o'tgan edi. Hujumchi shu vaqtga qadar madridliklar safida 338 ta o'yinda maydonga tushdi va 172 ta gol urib, 80 ta golli uzatmani amalga oshirdi.
— deya xabar beradi uff.uz nashri.