Jahonning 10 nafar eng ko'p maosh oluvchi futbolchisi Karlos Teves Xitoyda to'p surishga rozilik berib, hajon bo'yicha eng ko'p maosh oladigan futbolchiga aylandi. Ya'ni bu boradagi reyting o'zgardi. Xo'sh, ayni holatda ushbu ro'yxat qanday ko'rinishda? Argentinalikdan tashqari, yana qaysi futbolchilar bus-butun orol yoki hashamatli yaxta xarid qilishga qodirlar? 10. XALK («Shanxay SIPG») - 12 mln. evro Brazililiyalik futbolchining pulni juda yaxshi ko'rishi hech kimga sir emas. Bunda hech qanday g'ayritabiiy tomoni yoki uyatli joyi yo'q, albatta. Axir kim ham pulni yoqtirmaydi? Biroq shunisi borki, Xalk o'z iqtidoriga to'g'riroq yondashganida, ya'ni mo'may daromad barobarida yuqori darajada o'ynashga o'ch bo'lganida, faoliyati ancha omadli chiqarmidi? Ammo u Evropaning qaysidir top-klubida sovrinlar yutish asnosida nom qoldirishdan ko'ra, Osiyoda farovon hayotni ta'minlashni ma'qul ko'rdi. Xalkning o'zi bu qaroridan zarracha afsuslanmayotgan bo'lsa kerak. 9. Pol POGBA («MYu») - 13 mln. evro Frantsuz «Manchester Yunayted»ga shohlarga xos qaytdi. Inglizlar «Yuve»da yangi darajaga chiqqan yigitni yana o'z saflarida ko'rish uchun nafaqat 100 mln. evrodan ko'p transfer xarajatiga ko'nishdi, balki uning o'ziga ham shohona sharoitlar taklif etishdi. Aqlga sig'mas yaxshi shartlar asosida o'ynayotgan Pogba APLda hozircha barqaror emas, ammo shaxsiy jamg'armasini barqaror tarzda oshirib boryapti. 8. Luis SUARES («Barselona») - 14 mln. evro Bordiyu, qaysidir klub Suaresni sotib olishni istasa, aytarli «muammo» tug'ilmaydi - «atigi» 200 mln. evro to'lasa, bas. Urugvaylik goleadorning shartnomasida shuncha tovon puli ko'rsatilgan. «Barselona»da Luisdan ko'proq maosh oluvchi yulduzlar ham bor, ammo u evrofutboldagi eng katta ish haqiga ega markaziy hujumchidir. Yiliga 14ta «limon» - bu chakki emas, to'g'rimi? 7.  NEYMAR («Barselona») - 15 mln. evro Neymar hali ancha yosh, lekin to'la ta'minlangan boy yigit. Alohida ta'kidlash joiz, u 2 oy burun «Barselona» bilan yangi shartnoma tuzdi va unga ko'ra, aynan qancha maosh olishi masalasida aniq ma'lumot yo'q. Taxmin qilish mumkinki, Neymar yangi kelishuviga asosan, ushbu reytingda 2-o'ringa ko'tarilishi ham mumkin. Gap shundaki, Ispaniya OAVda ta'kidlanishicha, braziliyalikning yillik moyanasi darhaqiqat, «atigi» 15 million evroga teng. Biroq hujumchi bonuslar sifatida yana 10 «limon» oladi - bu mutlaqo kafolatlangan summa. Shunday ekan, Neymarning ish haqi 25 mln. evroga etadi. Alohida ma'lumot - bu Lionel Messinikidan ham ko'p. 6.  Gratsiano PELLE («Shandong Luneng») - 16 mln. evro «Yaxshi joylashib olgan odam» rubrikasi. Pelle hech qachon top-yulduz sifatida top-saviyali futbolchi sanalmagan. Ha, u yaxshigina hujumchi, «A» seriyasidan tashqari, «Sautgempton»da ham chakki o'ynamagan. Biroq aynan Pellening jahondagi eng yaxshi ta'minlangan futbolchilardan biri bo'lishini hech kim kutgan emasdi. Xitoy futbolida esa o'z haqiqatlari bor, shuning uchun Gratsiano maoshi xususidagi SMS-xabarlarni chinakam ishtiyoq bilan o'qiydi. Davomi iff.uz saytida.
— deya xabar beradi uff.uz nashri.