"Barselona"ning bir qator etakchi futbolchilari klub rahbariyatiga murojaat qilib, Arda Turon borasida qat'iyatliroq bo'lishni talab qilmoqdalar.
Tarkibda jarohat olgan futbolchilar ko'pligini nazarda tutib, "Barselona" futbolchilari Arda Turonni maydonga tushirishni talab qilishni so'ramoqdalar. Biroz vaqt muqaddam turkiyalik futbolchi "Barselona" tarkibida maydonga tushishi uchun ish olib borilayotgani aytilgan edi. Ispaniya futbol federatsiyasi "Barselona" safida biror futbolchi kamida olti oy muddatga safdan chiqqan taqdirda, uning o'rniga Arda Turonni ro'yxatdan o'tkazishga qarshi emas. Ammo FIFA 2016 yilning 1 yanvariga qadar turkiyalik yarim himoyachiga kataloniyaliklar safida o'ynashga ruxsat berish niyatida emas.
Bu borada klub rahbariyati FIFAga murojaat qilgan. Ammo ushbu murojaat natija keltirganicha yo'q. Ayni vaqtda "Barselona"dan Lionel Messi, Andres Inesta va Rafinya Alkantaralar jarohat olgan. Shu sababli klubning etakchi futbolchilari Arda Turon borasida qat'iyroq bo'lishni talab qilmoqdalar.
— deya xabar beradi uff.uz nashri.