APL da ilk 20 golini kiritib olish uchun Bekxemga 90 uchrashuv, Lempardga – 140 va Jerrardga esa – 169 ta uchrashuv kerak bo'lgan. Maqolamizning qahramoni Dele Alliga esa, bu natijani qayd etish uchun atigi 52 o'yin kifoya qildi. “MK Dons” tarbiyalanuvchisi bo'lgan o'smir inglizlarning navbatdagi supertalantimi? Biz esa, ushbu iqtidorning natijalari va uning endilikdagi imkoniyatlarini yoritib berishni o'z zimmamizga oldik. “MK Dons” kabi kamtarin ingliz klubidan "shporlar" safiga qo'shilgan o'smir Pochchetino e’tiborini darrov jalb qildi. To'g'ri, APL da 20 ta gol urish super natija hisoblanmasada, tabiiy ingliz futbolchilari qayd etgan natijalar orasida Alli ingliz afsonalaridan ancha o'zib ketgan. Avvaliga Alli “Tottenhem” uchun shunchaki yangi ehtimoliy iqtidor edi. Ushbu vaqt ichida Alli atigi 7 marotaba zaxiradan maydonga tushirildi. Qolgan barcha uchrashuvlarda Dele almashtirib bo'lmas yarim himoyachi rolida harakat qildi. Jarohatlar va ba’zi ayrim mayda tafsilotlarni hisobdan chiqaradigan bo'lsak, Dele “Tottenhem”ning deyarli barcha uchrashuvida ishtirok etgan. Dele Alli burungi turda “Chelsi”ni ikki bora jazoladi va “ko'klar”ning 13 o'yindan iborat g'alabali seriyasiga chek qo'ydi. Shu tariqa u mavsumdagi o'z gollari sonini 10 taga etkazdi. Qayd etib o'tish lozimki, so'nggi 7 golini Alli so'nggi 4 tur ichida kiritishga muvaffaq bo'lgan.  “Chelsi” bilan uchrashuvda Alli kamdan-kam to'p bilan muomala qildi va bu faktni Allining o'zi ham tan oldi. Bir o'yin davomida 42 marotaba to'pga teginish – salbiy holat va faqatgina Harri Keyn bundan-da pastroq natija qayd etgan. O'smirning haqiqiy sifati va iqtidori ham shunda. O'yin davomida maydonda soya ostida harakat qilishi mumkin, lekin o'ta muhim va hayot-mamot vaziyatlarida Alli nima qilishni yaxshi biladi va ko'p hollarda jamoasi joniga oro kiradi. Davomi Penalti.uz da
— deya xabar beradi uff.uz nashri.