1news.uz — Namangan viloyatida 2016 yil yakunlari bo'yicha, sport sohasida qo'lga kiritilgan yutuqlar va yo'l qo'yilgan kamchiliklarni sarhisob qilindi. Viloyat hokimligi katta zalida bo'lib o'tgan yig'ilishda viloyatda faoliyat ko'rsatayotgan 40 ta sport federatsiyasi va assotsiasiyalari, tashkilot hamda korxonalarning rahbarlari ishtirok etdilar. Takidlash kerakki, 2016 yilda viloyat sportchilari tomonidan xalqaro va yurtimiz bo'ylab o'tkazilgan nufuzli musobaqalarda 294 ta oltin, 370 ta kumush va 431 ta bronza medallari qo'lga kiritildi. Eng quvonarlisi Braziliyada bo'lib o'tgan yozgi olimpiya o'yinlarida boks  yo'nalishida Murodjon Ahmadaliev bronza medalini qo'lga kiritdi va huddi shu davlatda o'tkazilgan Paralimpiya o'yinlarida Nozimaxon Qayumova nayza uloqtirish bo'yicha rekord o'rnatib, oltin medalga egalik qildi. Yig'ilishda federatsiya rahbarlarining hisoboti tinglanib, ayrim sport turlari bo'yicha yuzaga kelgan masalalar echimiga urg'u qaratildi. Xabarning tafsilotlari bilan 1news.uz saytida ushbu havola orqali tanishishingiz mumkin.
— deya xabar beradi uff.uz nashri.