«Torino» klubining sport direktori Janluka Petrachi hujumchi Andrea Belotti bilan «Arsenal» klubi qiziqayotgani haqidagi xabarlarga izoh berdi. «Ha, biz «Arsenal»dan Belotti bo'yicha 65 mln evrolik taklifni oldik, ammo bu futbolchining narxiga mos emas. Aytishim mumkinki, ayni paytda u hech qaerga ketmoqchi emas. Uning o'yinidan zavq olmoqchimiz, uyog'ini esa yana o'ylab ko'ramiz. Biz Belottini saqlab qolmoqchimiz, uning shartnomasida belgilangan tovon puli – xorijiy klublar uchun 100 mln evroga teng» - dedi Petrachi. Eslatib o'tamiz, joriy mavsum 23 yoshli Belotti Italiya chempionatining 17ta o'yinida 13ta gol urgan.
— deya xabar beradi uff.uz nashri.