"Barselona" hujumchisi Neymar Ispaniya chempionati doirasida "Vilyarreal"ga qarshi kechgan o'yinda (1:1) gol urishning uddasidan chiqa olmadi.
Shu tariqa 24 yoshli hujumchining kataloniyaliklar safidagi golsiz seriyasi 11 ta o'yinga etdi. Neymar oxirgi marta "Barselona" safidagi rasmiy o'yinda 19 oktyabrda "Manchester Siti"ga qarshi EChL doirasida kechgan o'yinda gol urgan edi (4:0).
Neymar 11 noyabrda Braziliya terma jamoasi safida JCh saralashi doirasida Argentinaga qarshi kechgan bahsda gol urgan (3:0). 13 dekabrda esa "Barselona" tarkibida "Al Ahli"ga qarshi kechgan o'rtoqlik o'yinida gol kiritgan.
Neymar joriy mavsum Ispaniya chempionatida 14 o'yinda maydonga tushdi va 4 ta gol urib, 8 ta golli uzatmani amalga oshirdi.
— deya xabar beradi uff.uz nashri.