Madridning "Real" klubi va Portugaliya terma jamoasi hujumchisi Krishtianu Ronaldu FIFA tomonidan yilning eng yaxshi futbolchisi deb tan olindi.
Tsyurixda bo'lib o'tayotgan taqdimot marosimida portugaliyalik futbolchiga The Best sovrini topshirildi. Eslatib o'tamiz, ushbu sovringa shuningdek "Barselona" hujumchisi Lionel Messi va "Atletiko" forvardi Antuan Grizmann ham da'vogarlik qilgan edi.
G'olib nomi terma jamoa murabbiylari, sardorlari, jurnalistlar va muxlislar o'rtasida o'tkazilgan so'rovnoma natijasida aniqlangan. Har bir soha vakillari ovoz berishda teng - 25 foizdan ulushga ega bo'lgan.
Eslatib o'tamiz, joriy yildan e'tiboran  France Football alohida "Oltin to'p" g'olibini aniqlamoqda, FIFA esa o'z yo'nalishida yilning eng yaxshi futbolchisini tan olyapti.
— deya xabar beradi uff.uz nashri.