FIFA tomonidan 2016 yilning eng yaxshilarini taqdirlash marosimiga «Barselona» futbolchilari - Lionel Messi, Jerar Pike, Andres Inesta va Luis Suares bormaydi. Klub rasmiy saytining xabariga ko'ra, futbolchilar Ispaniya kubogining nimchorakfinalidan o'rin olgan «Atletik» (12 yanvar) klubiga qarshi javob o'yiniga yaxshiroq tayyorgarlik ko'rish uchun klub qarorgohida qolishgan. Eslatib o'tamiz, dastlabki o'yinda «Atletik» 2:1 hisobida g'alaba qozongan edi. «Payshanba kuni o'tkaziladigan o'yinga yaxshiroq tayyorgarlik ko'rish uchun klub futbolchilarni Tsyurixga qo'yib yuborishni lozim topmadi. «Barselona» vaziyatni to'g'ri tushungan FIFA tashkiloti va prezidenti Janni Infantinoga minnatdorchilik bildiradi» - deyiladi xabarda. Eslatib o'tamiz, «Barselona» - «Atletik» o'yini 12 yanvar kuni soat 01:15 da boshlanadi.
— deya xabar beradi uff.uz nashri.