Avval  xabar qilganimizdek, «Nasaf» shu kunlarda Turkiyaning Antaliya shahrida yangi mavsum tayyorgarliklarini davom ettirmoqda.
Turkiyada ob-havoning noqulayligi tufayli, jamoa Antaliya shahriga mo'ljaldagidan biroz kechikib bordi va kechadan mashg'ulotlarga kirishdi.
Futbolchilarimizning kayfiyati a'lo darajada, qarshiliklar safiga yaqinda qo'shilgan Akmal Shorahmedov ham mashg'ulotlarda ishtirok etmoqda. Hozircha jamoa tarkibida yangi kelgan o'yinchilar yo'q. Agar murabbiylar yangi futbolchini ko'rikdan o'tkazishga taklif etadigan bo'lishsa, bu haqda xabar beramiz.
“Nasaf” ertaga Antaliyadagi birinchi o'rtoqlik uchrashuvini o'tkazadi. Jamoaning sparring raqibi Kipr oliy ligasi (A divizion) vakili “Limasol” klubi bo'ladi. Uchrashuv jamoa joylashgan “Kameliya World” mehmonxonasining futbol maydonida bo'lib o'tadi.  
«Nasaf» navbatdagi nazorat uchrashuvni Ozarbayjonning top klubi, sakkiz karra mamlakat chempioni - “Neftchi” klubi bilan bo'ladi. Ushbu nazorat uchrashuvi 11 yanvar kuni “Bellis Deluxe” mehmonxonasining futbol maydonida bo'lib o'tadi. Uchrashuv boshlanishi bizning vaqt bilan soat 17:00ga belgilangan.
— deya xabar beradi uff.uz nashri.