Angliya terma jamoasi sobiq hujumchisi Piter Krauch “Stok Siti” klubi bilan shartnomasini 2018 yilning yoziga qadar uzaytirdi. “Klubda qolayotganimdan chindan ham xursandaman. Rostini aytganda, men o'zi umuman jamoamni o'zgartirmoqchi emasdim, boisi bu erda o'ynash menga juda yoqadi. Har kuni mashg'ulotlarga yuzimda tabassum bilan kelaman va bu davom etishidan juda baxtiyorman”, — deydi Krauch. 35 yoshli hujumchi “Stok Siti” safida 2011 yildan buyon to'p surib kelmoqda. Joriy mavsumda Krauch APLning 12ta bahsida 2ta gol kiritgan.
— deya xabar beradi uff.uz nashri.