O'zbekiston terma jamoasining sobiq ustozi Valeriy Nepomnyashchiy FIFAning JCh ishtirokchilari sonining 48taga etkazilishi haqidagi qaroriga salbiy munosabatda bo'ldi. «Jahon chempionati ishtirokchilari sonining oshirilishi musobaqaning tomoshabopligini pasaytirib yuboradi. Chunki ko'p sonli terma jamoalar saviyasi musobaqada qatnashish uchun pastlik qiladi. Natijada muxlislarning nufuzli musobaqaga bo'lgan qiziqishi pasayishi mumkin. Ishtirokchilar sonining qanchalik oshishidan qat'iy nazar, bosh sovrin uchun xar doimgidek Evropa va Janubiy Amerika terma jamoalari kurash olib boradi. Bu islohotdan faqat jahon chempionatiga chiqishni hayoliga keltirmay yurgan terma jamoalar xursand bo'lishlari mumkin», - deydi Nepomnyashchiy. Eslatib o'tamiz, Valeriy Nepomnyashchiy 2006 yilda O'zbekiston milliy terma jamoasini boshqargandi.
— deya xabar beradi uff.uz nashri.