MESSI UChUN 500 «LIMON». Xitoy futbolidagi eng qiziqarli narsa nima? Hozirda ko'pchilik bu savolga birdaniga va baralla javob beradi - «Albatta, pul-da!» Xususan, Oskarning aqlni shoshirib qo'yadigan transferidan ilhomlangan Soccer.ru sayti bu borada maxsus taftish o'tkazib, masala mohiyatini teranroq tushuntirish uchun xitoycha raqamlarni Rossiya premer-ligasiga daxldor ko'rsatkichlar bilan taqqoslab ko'rdi... Xitoyning «Shanxay Telleys» klubi braziliyalik Oskar uchun «Chelsi»ga naq 70,5 million evro to'ladi. Bu Xitoy super-ligasi uchun yangi transfer rekordidir. Shunday qilib, Chin yurtiga yo'l olgan eng qimmatbaho futbolchilar reytingining yuqori o'nligi quyidagi ko'rinishni hosil qildi: 1. Oskar («Chelsi»dan «Shanxay Telleys»ga) - 70,5 million evro 2. Xalk («Zenit»dan «Shanxay Telleys»ga) - 55,8 million evro 3. Aleks Teysheyra («Shaxtyor»dan «Jiangsu Saynti»ga) - 50 million evro 4. Jekson Martines («Atletiko»dan «Guanjou Evergrand»ga) - 42 million evro 5. Ramires («Chelsi»dan «Jiangsu Saynti»ga) - 28 million evro 6. Elkeson («Guanjou Ever-grand»dan «Shanxay Telleys»ga) - 18,5 million evro 7. Jervino («Roma»dan «Xebey Forchun»ga) - 18 million evro 8. Gratsiano Pelle («Sautgempton»dan «Shandong Luneng»ga) - 15,25 million evro 9. Rikardo Goulart («Kruzeyro»dan «Guanjou Evergrand»ga) - 15 million evro 10. Paulino («Tottenxem»dan «Guanjou Evergrand»ga) - 14 million evro Yakuniy natija: Xitoy futbolidagi eng qimmatbaho 10ta transferning umumiy bahosi 327 million evroga teng. Bu futbolchilarning 8 nafari Evropa klublaridan xarid qilingan bo'lsa, biri Janubiy Amerikadan taklif etilgan. Yana bir yirik savdo ichki bozorda amalga oshirilgan. Endi buni Rossiya premer-ligasining top-10ta transferi bilan taqqoslaymiz. Rus klublari uchun rekord darajadagi transferning narxi - 55 million evro. «Zenit» braziliyalik Xalkni o'z safida ko'rish uchun Portugaliyaning «Portu»siga aynan shuncha bergandi. Umuman, Rossiya elit divizionida amalga oshirilgan eng qimmatbaho transferlar reytingi quyidagicha ko'rinishda: 1. Xalk («Portu»dan «Zenit»ga) - 55 million evro 2. Aksel Vittsel («Benfika»dan «Zenit»ga) - 40 million evro 3. Villian («Shaxtyor»dan «Anji»ga) - 35 million evro 4. Danni («Dinamo»dan «Zenit»ga) - 30 million evro 5. Brunu Alvesh («Portu»dan «Zenit»ga) - 22 million evro 6. Karlos Eduardo («Xoffenxaym»dan «Rubin»ga) - 20 million evro 7-8. Aleksandr Kokorin («Dinamo»dan «Anji»ga) - 19 million evro 7-8. Aleksandr Kokorin («Anji»dan «Dinamo»ga) - 19 million evro 9-10. Salomon Rondon («Rubin»dan «Zenit»ga) - 18 million evro 9-10. Lasina Traore («Kuban»dan «Anji»ga) - 18 million evro Xullas, 10ta eng yirik savdodan 5tasi Evropa klublari ishtirokida bo'lgan, yana 5tasi ichki oldi-sottidir. Bularning umumiy summasi - 276 million evro. Ya'ni Xitoy klublarining eng sara xaridlari bahosidan 51 mln. evroga kam. Davomi interfutbol.uz saytida.
— deya xabar beradi uff.uz nashri.