"Real" bosh murabbiyi Zinedin Zidan hech qachon baxt yulduzi borligiga shubha qilmaganini aytib o'tdi. U futboldagi muvaffaqiyati haqidagi savolga shu tariqa javob qaytargan.
"Mening baxt yulduzim har doim boshim uzra porlab turgan. Hatto ishlarim yurishmagan vaqtda ham o'sha yulduz men bilan ekanini his qilib turganman.
Shu sababli har doim yaxshi kayfiyatda bo'laman. Mening muvaffaqiyatim siriga keladigan bo'lsak, shunchaki har bir o'yinda g'alaba qozonishga intilish lozim", - deydi Zidan.
Eslatib o'tamiz, "Real" o'tgan mavsum muvaffaqiyatsiz o'yinlardan so'ng Rafael Benitesni iste'foga chiqarib, o'rniga Zidanni tayinlagan edi. Shundan so'ng jamoa Chempionlar ligasi, UEFA Superkubogi va klublar o'rtasidagi jahon chempionatida g'olib chiqdi.
— deya xabar beradi uff.uz nashri.