Chexiya futboli azaldan «ko'hna qit'a» mamlakatlarini saviyali futbolchilar bilan ta'minlab kelgan. O'ziga xos iqtidorlar bulog'i bo'lmish yurtning ichki birinchiligi Evropaning eng sara 15ta chempionatlari qatoridan o'rin olgan. Undagi ishtirokchilarning umumiy qiymati bo'yicha Chexiya 14-o'rinda bormoqda. Mahalliy klublar safida nafaqat mahalliy futbolchilar, balki qo'shni mamlakatlardan kelgan legionerlar ham to'p surishadi. Quyida sizlarni Chexiyaning birinchi ligasida voyaga etib, yaqin kelajakda kuchliroq chempionatlar jamoalari safida munosib to'p surishga da'vogar yosh iqtidorlar bilan tanishtirishni lozim topdik. Mixael Krmenchik Yoshi: 23 Ampluasi: hujumchi Vatani: Chexiya Klubi: «Viktoriya» Baland bo'yli hujumchi Chexiya milliy jamoasida ham maydonga tushmoqda. «Viktoriya»da esa jamoa to'purari hisoblanadi. Mixael bosh bilan yaxshi o'ynaydi, texnik va jismoniy ko'rsatkichlari talab darajasida. Barcha yosh toifalaridagi termalarda etarlicha tajriba to'plagan. Transfer bahosi: 1,5 mln. evro Qaysi jamoalarga foydasi tegishi mumkin? «Tom», «Krilya Sovetov», «Amkar». Yakub Gromada Yoshi: 20da Ampluasi: yarim himoyachi Vatani: Slovakiya Klubi: «Viktoriya» Slovakiya yoshlar terma jamoasi a'zosi Chexiya birinchiligida mavsum kashfiyotlaridan biri bo'lib turibdi. Hozirda ishonchli va barqaror o'yin ko'rsatayotgan Yakub «Yuventus» tarbiyalanuvchisi hisoblanadi. Transfer bahosi: 1 mln. evro. Qaysi jamoalarga foydasi tegishi mumkin? «Tom», «Orenburg», «Ural». Vyacheslav Karavaev Yoshi: 21 Ampluasi: himoyachi Vatani: Rossiya Klubi: «Sparta» Ehtimol, aynan shu futbolchi rus klublari uchun eng maqbul variant bo'lishi mumkin. Birinchidan, u Rossiya fuqarosi. Ikkinchidan, joriy mavsum o'ta ishonchli to'p surmoqda. Futbol sirlarini TsSKA tizimida o'rgangan himoyachi Leonid Slutskiy ishonchiga kirolmadi va 2014 yili Praganing «Dukla» jamoasiga ijaraga berildi. 2015 yili «Yablonets»ga ijaraga yuborilganidan so'ng, oxir-oqibat «armiyachilar» futbolchini shu yil avgustda «Sparta»ga sotishdi. Slavani o'z tarkibiga qo'shib olish uchun Chexiya klubi 1 mln. evrodan voz kechdi. Qiziq, endi rossiyaliklar uni qancha mablag' evaziga ortga qaytarisharkan? Karavaev hozirda risoladagidek to'p surmoqda, tezligi ham chakki emas. Vaziyatni to'g'ri baholay olish xususiyati tufayli tez-tez hujumga o'tib turadi. Qisqasi, hali imkoniyatlarini to'la ko'rsatganicha yo'q. Balki Rossiyada yanada yaxshiroq saviyani namo-yish etar? Davomi interfutbol.uz saytida.
— deya xabar beradi uff.uz nashri.