“Manchester Yunayted” klubi bosh murabbiyi Joze Mourino so'zlariga ko'ra, jamoa yarim himoyachisi Morgan Shneyderlin yaqin vaqt ichida “Everton” a'zosiga aylanadi.
“Bu haqda batafsil biror narsa deya olmayman. “Xall Siti”ga qarshi o'yindan oldin Ed Vudvord (“MYu”ning ijrochi direktori) menga transfer masalalari yakuniga etganligini ma'lum qildi. Shunday ekan, yaqinda Morgan “Everton”ga yo'l oladi. Bir tomondan xafaman va shu bilan birga xursandman ham. Xafa bo'lishim sababi, Shneyderlinning o'yini menga yoqadi. U bizga foyda keltirishi mumkin edi. Xursandligim sababi esa u ko'proq o'ynashni va jamoaning etakchilaridan biri bo'lishni xohladi”, – deydi Mourino.
— deya xabar beradi uff.uz nashri.