Qishgi yig'inni Toshkentda o'tkazayotgan Namanganning «Navbahor» jamoasi tarkibiga serbiyalik legioner Nemanya Yovanovichni qo'shib olishi mumkin. Jamoa mutassadilarining xabariga ko'ra, hozirgi vaqtda futbolchi bilan muzokaralar davom etmoqda va Yovanovich yaqin kunlarda «Navbahor» tarkibida ko'rinish beradi. «Lochinlar»ni yangi mavsumga tayyorlayotgan murabbiy Ilhom Mo'minjonov Yovanovich bilan birga jamoaga yana tajribali futbolchilarni chaqirishni rejalashtirgan. Eslatib o'tamiz, Nemanya Yovanovich bungacha O'zbekistonning «Olmaliq», «Qizilqum» va «Andijon» klublarida faoliyat olib borgan. Akmal Eshonxonov
— deya xabar beradi uff.uz nashri.