«Real» klubi prezidenti Florentino Peres madridliklar jamoasiga «Yuventus» hujumchisi Paulo Dibalani olib kelmoqchi va buning uchun 105 mln evrodan voz kechishga tayyor. Xabarda aytilishicha, 23 yoshli futbolchi «Qirollik klubi»ga o'tadigan bo'lsa, yiliga 10 mln evro maosh oladi. Agar «Real» argentinalik futbolchini o'z safiga qo'shib oladigan bo'lsa, xarajatlarni qoplash maqsadida hujumchi Alvaro Moratani sotib yuboradi, deyiladi xabarda. Avvalroq Dibalaga «Barselona» klubi qiziqish bildirgani aytilgan edi. O'z navbatida «Yuventus» o'z o'yinchisini hali beri qo'yib yuborish niyatida emas.
— deya xabar beradi uff.uz nashri.