Jamoamiz bugun ikkinchi nazorat uchrashuvini ham o'tkazdi. Bu safar jamoamizga Ozarbayjonning sakkiz karra chempioni, mamlakat kubogining 6 marta sohibi – Boku shahrining “Neftchi” jamoasi bo'ldi. Bu uchrashuvda ham “ajdarlar” raqibini 1:0 hisobida mag'lub etishdi. Uchrashuvning ikkinchi bo'limi 70-daqiqasida murabbiylarimiz ikkita o'zgarishni amalga oshirishdi. Maydonda harakat qilgan Sharof Muhitdinov o'rniga Farruh Sayfiev va Dragan Cheran o'rniga Islom Rashidxonovlar maydonga tushirildi. Aynan ikkinchi bo'limda maydonga tushgan mohir yarim himoyachimiz Farruh Sayfiev uchrashuvdagi yagona gol muallifi bo'ldi. Jamoamiz tarkibiga yaqinda kelib qo'shilgan tajribali himoyachi Akmal Shorahmedov ikkinchi nazorat uchrashuvida tarkibimizda to'liq harakat qildi. Shunday qilib, jamoamiz bugungi o'tkazgan ikkala nazorat uchrashuvida ham g'alaba qozondi. Navbatdagi nazorat uchrashuvi 15 yanvarga mo'ljallangan. Bu safar jamoamizga Ruminiyaning “Botoshani” klubi raqiblik qiladi. Nazorat uchrashuvi. 11.01.2017. “Neftchi” (Baku, Ozarbayjon) – “Nasaf” (O'zbekiston) 0:1 Antaliya sh., “Bellis Deluxe Hotel” futbol maydoni. 17:00da Gol: Farruh Sayfiev, 80 - 0:1 “Neftchi”: Boban Baykovich, Magsad Isaev, Giorgi Navalovski, Dreksa, Rodriges Jayro, Kirill Petrov, Zdeneg Folprext, Nagiev, Djavid Imamverdiev, Namik Aleskerov, Vidovich. “Nasaf”: Eldorbek Suyunov, Akmal Shorahmedov, Sherzod A'zamov, Najmiddin Normurodov, Doniyor Narzullaev, Sharof Muhitdinov, Odil Hamrobekov, Azizjon G'aniev, Bahrom Abdurahimov, Bobir Abduxoliqov, Dragan Cheran. Zaxiradan maydonga tushganlar: Farruh Sayfiev, Islom Rashidxonov. Hozircha jamoamiz tarkibida o'zgarishlar bo'lgani yo'q.
— deya xabar beradi uff.uz nashri.