Avstraliyaning Melburn shahrida tennis bo'yicha yilning 4ta nufuzli turniridan dastlabkisi - Australian Open musobaqasining saralash bahslari davom etmoqda.
Xotin-qiz tennischilar o'rtasidagi saralash bahslarida hamyurtimizlarimiz Sabina Sharipova va Nigina Abduraimovaning ham ishtirok etishi haqida xabar bergan edik.
Abduraimova qur'a natijasiga ko'ra saralashning ilk davrasida xitoylik Kay-Lin Jangga qarshi kortga chiqdi. Jang saralashning 19-raketkasi sifatida qayd etilgan edi.
Taqqoslash uchun, Nigina Abduraimova WTA reytingida 164, xitoylik tennischi esa 134-o'rinni egallab turibdi. Uch set davom etgan dramatik uchrashuvda mamlakatimizning ikkinchi raketkasi 6:4, 6:7, 3:6 hisobida imkoniyatni boy berdi.
Eslatib o'tamiz, mamlakatimizning birinchi raketkasi bo'lgan Sabina Sharipova bugun saralashning ilk davrasida rossiyalik Veronika Kudermetovaga qarshi kortga chiqadi.
— deya xabar beradi uff.uz nashri.