“Manchester Yunayted” klubi bosh murabbiyi Joze Mourino “Roma” jamoasi himoyachisi Kostas Manolasni sotib olgan holda himoya chizig'ini kuchaytirmoqchi. The Sun nashrining ma'lumotiga ko'ra, 25 yoshli futbolchi uchun “MYu” 47,6 million funt to'lashga tayyor. Avvalroq, Manolasning transferi “MYu” kamida 32,5 million funtga tushishi xabar qilingandi. Manolas 2014 yili “Roma”ga “Olimpiakos”dan o'tgandi. Joriy mavsumda u Italiya chempionatining 16ta bahsida maydonga tushib, bitta gol hamda shuncha golli uzatmaga mualliflik qilgan.
— deya xabar beradi uff.uz nashri.