Frantsiya terma jamoasi yarim himoyachisi Dimitri Payet «Vest Xem» safida harakat qilishni xohlamayapti. Bu haqda jamoa bosh murabbiyi Slaven Bilich xabar qildi. «Biz eng yaxshi futbolchilarimizni sotmaslikni aytgandik, ammo Payet bizning jamoada o'ynashni istamayapti. Biz uni sotmoqchi emasmiz. Men prezident bilan gaplashdim, gap moliyaviy masalada emas. Klub unga yangi shartnoma taklif qildi, chunki uning qolishini xohlayapmiz», — deydi Bilich. 29 yoshli yarim himoyachining klub bilan amaldagi shartnomasi 2021 yilda o'z nihoyasiga etadi.
— deya xabar beradi uff.uz nashri.