«Dinamo» - «Nasaf» (1:1) uchrashuvidan keyin «Dinamo» bosh murabbiyi Bahrom Hakimov o'z fikrlari bilan o'rtoqlashdi.
«Ushbu uchrashuvdan oldin «Dinamo» so'nggi marta Samarqandda «Nasaf»dan 2010 yilda ochko olganligidan xabardor edim. Shuni inobatga olsak, bugun g'alaba qozonayotgan bo'lsakda, biz ochko yo'qotmadik, bir ochko qo'lga kiritildi. Bu juda muhim va oltinga teng ochko bo'ldi.
Yigitlarga rahmat deyman, raqibdan cho'chimay oxirigacha kurash olib borishdi. «Bunyodkor» va «Mash'al» bilan ham, bugun ham gol urib keyin himoyada qolib ketayotganligimiz bu jismoniy holatimiz ko'ngildagidek emasligini ko'rsatmoqda. «Nasaf» shakllangan va kuchli jamoa ekanligi ko'rinib turibdi. Bugungi muvaffaqiyatda bizni tinmay qo'llab-quvvatlagan muxlislarning hissasi katta. Fursatdan foydalanib, o'tgan o'yindagi yirik mag'lubiyat uchun ulardan uzr so'rayman» - deydi Bahrom Hakimov.
Jamoamiz bosh murabbiyi navbatdagi Andijondagi uchrashuvdan oldidan ham o'z fikrlarini bildirdi.
«Andijonda bizni juda muhim qarama-qarshilik kutib turibdi. Bu olti ochkolik o'yin bo'ladi. Hozirgi holatimizda bizni g'alabadan boshqa natija qoniqtirmaydi. Vodiyda har ikki jamoa uchun ham oson bo'lmaydigan bahs bo'ladi» - deya fikrini yakunladi Bahrom Mamajonovich.
— deya xabar beradi uff.uz nashri.