Ispaniya Kubogi 1/8 finali javob o'yinidan o'rin olgan «Sevilya» – «Real» Madrid uchrashuvi yakunlandi. Gollarga boy bo'lgan uchrashuvda tomonlar murosa yo'lini tanladi. Uchrashuvning 10–daqiqasi o'tib borayotgan bir vaqtda madridliklar himoyachisi Danilo o'z darovozasini ishg'ol qilib qo'ydi. Ikkinchi bo'lim boshida Marko Asensio gol urib, muvozanatni tikladi. Oradan ko'p o'tmay, ya'ni 54-daqiqada zaxiradan maydonga tushgan mezbonlar vakili Stevan Yovetich «Sevilya»ni yana oldinga olib chiqgan bo'lsa, 77-daqiqada Visente Iborra hisobni 3:1 ko'rinishiga keltirdi. Uchrashuvning 83-daqiqasida Serxio Ramos penaltini bexato amalga oshirdi. Hakam tomonidan qo'shib berilgan daqiqalarda Karim Benzema «Real»ni mag'lubiyatdan qtqarib qoldi.  Shu tariqa ikki o'yin natijasiga ko'ra «Real» Madrid Ispaniya Kubogidagi yurishini davom ettiradigan bo'ldi. Ispaniya Kubogi. 1/8 finali, Javob o'yini Sevilya – Real Madrid 3:3  Gollar: 1:0 – 10, avtogol Danilo, 1:1 – 48 Asensio, 2:1 – 53 Yovetich, 3:1 – 77 Iborra, 3:2 – 83, penalti Ramos, 3:3 – 90(+3) Benzema. Sevilya – Soriya, Merkado (Vitolo, 65), Rami, Langle, Eskudero, Sarabiya, Iborra, Korrea (Yovetich, 45), Kranevitter, Vetto (Nasri, 55), Ben-Yedder. Real Madrid – Kasilya, Ramos, Danilo, Nacho, Marselo, Asensio, Kazemiro, Kroos, Vaskes (Karvaxal, 64), Dias (Kovachich, 58), Morata (Benzema, 76). Ogohlantirishlar: Merkado (7), Vaskes (13), Iborra (62), Kovachich (63), Yovetich (72), Kasilya (72), Kazemiro (84), Marselo (88). Ilk uchrashuv: 0:3
— deya xabar beradi uff.uz nashri.