"Real" bosh murabbiyi Zinedin Zidan Ispaniya Kubogi 1/8 finalida "Sevilya"ga qarshi kechgan uchrashuv haqida fikr bildirdi (3:3).
"Ramosning sha'niga yog'ilgan haqoratlardan noroziman. Uning uchun bunday gaplarni eshitish og'ir, albatta. Chunki u o'z vaqtida "Sevilya"da o'ynagan. U shu erda tug'ilgan va har doim Sevilya shahri haqida yaxshi gaplarni aytib kelgan. Serxio golni nishonlarkan, hech qanday yomon ish qilgani yo'q.
O'yin juda og'ir o'tdi. "Sevilya" ajoyib o'yin namoyish qildi va g'alabaga haqli edi. Biz qaysidir jihatlarni oxiriga qadar olib bora olmadik. Ammo yakunda baribir durangga erishdik.
Raqib bizga katta muammo bo'ldi va yakshanba kuni xuddi shu erda bo'ladigan yana bir o'yinda muammolar davom etishi turgan gap. Hozircha asosiy tarkib qanday bo'lishini bilmayman, ammo yana bir og'ir o'yin o'tkazishimiz lozimligiga shubha qilmayman", - deydi Zidan.
— deya xabar beradi uff.uz nashri.