1news.uz — Namangan viloyatida O'zbekiston Respublikasi Prezidentining 2016 yil 20 dekabrdagi “O'zbekiston Respublikasi qurolli Kuchlari tashkil topganligining 25 yilligi va Vatan himoyachilari kuni bayramiga tayyorgarlik ko'rish va o'tkazish to'g'risida”gi F-4766-sonli Farmoyishi hamda Namangan viloyati hokimining 2017 yil 5 yanvarda imzolangan tadbirlar rejasi ijrosini ta'minlash masadida keng ko'lamli ishlar amalga oshirilmoqda. Xususan, “Kamolot” yoshlar ijtimoiy harakati Namangan viloyati Kengashi tomonidan viloyat hokimi kubogi uchun viloyatdagi xarbiy qismlarda o'z xizmat burchini o'tayotgan harbiy xizmatchilar va askarlar hamda avtomobil maktabi kursantlari o'rtasida “Quvnolar va zukkolar” musobaqalari o'tkazildi. Uchta shart bo'yicha bellashgan harbiylarimiz o'z quvnoqlik va zukkoliklari bilan nafaqat harbiy balki ma'naviy tomondan ham kuchli bilim va ko'nikmaga ega ekanliklarini isbotladilar. Musobaqada “Vatanparvar” tashkiloti avtomobil maktabining “Vatanparvar”  jamoasi g'oliblikni qo'lga kiritdi. O'zbekiston mudofaasiga ko'maklashuvchi “Vatanparvar” tashkiloti Namangan viloyati Kengashi tomonidan o'tkazilgan “O'zbekiston – Vatanimiz, milliy armiyamiz faxru – g'ururimiz” shiori ostidagi xarbiy-amaliy sport musobaqasida ham viloyatdagi harbiy qismlarda o'z xizmat burchini o'tayotgan harbiy xizmatchilar va askarlar hamda avtomobil maktabi kursantlari 6 ta shart, arqon tortish, qo'l kurashi, turnikda tortilish, havo miltig'idan o'q otish, 100 metrga yugurish va tosh ko'tarish bo'yicha o'zaro bellashdilar. Xabarning tafsilotlari bilan 1news.uz saytida ushbu havola orqali tanishishingiz mumkin.
— deya xabar beradi uff.uz nashri.