"Sevilya"da ijara asosida to'p surayotgan "Manchester Siti" yarim himoyachisi Samir Nasri "Real"ga o'tishni istashini tan oldi.
"Zidan - ajoyib murabbiy. U "Real"dagi dastlabki 32 o'yinida ochko yig'ish bo'yicha Gvardiola, Pellegrini va Mourinoni ortda qoldirdi. U Chempionlar ligasida g'olib chiqib ulgurdi. Garchi jamoani mavsum o'rtasida qabul qilib olgan bo'lsada, bu ishni uddaladi.
"Real" joriy mavsumni ham ajoyib tarzda o'tkazmoqda - La Ligada etakchilik qilmoqda. Jamoa Zidan boshqaruvi ostida anchadan buyon mag'lubiyatga uchragani yo'q.
Men Zidan boshqarayotgan "Real"da o'ynashni istagan bo'lardim. Yaxshi futbolchidan yaxshi murabbiy chiqishi holati har doim ham uchrayvermaydi.
Umuman olganda esa "Sevilya"da barcha narsa meni qanoatlantiradi. Biz chempionatda "Real"ga yaqinlashmoqdamiz. Bu musobaqa ko'pchilik tomonidan ikki jamoa ishtirokidagi chempionat deyiladi, ammo biz ular bilan raqobatlashmoqdamiz", - deydi Nasri.
— deya xabar beradi uff.uz nashri.