"Barselona" klubi sobiq himoyachisi Ronald Kuman kataloniyaliklar hujumchisi Lionel Messi qayd etgan navbatdagi natija haqida gapirib o'tdi. Argentinalik hujumchi Ispaniya Kubogi javob o'yinida "Atletik" darvozasiga jarimadan gol kiritdi.
Shu tariqa Messi "Barselona" tarkibida jarimadan urgan gollari sonini 26 taga etkazib oldi va bu borada Ronald Kuman bilan tenglashdi.
"Agarda kimdir mendan o'zib ketadigan bo'lsa, o'sha futbolchi Messi bo'laqolsin.
"Barselona"ga keladigan bo'lsak, jamoa juda yaxshi saviyada. Uning tarkibida Messi kabi futbolchi bor. Bunday iqtidorlarga ega jamoa har doim sovringa da'vogarlik qiladi", - deydi Kuman.
— deya xabar beradi uff.uz nashri.