Avval xabar berganimizdek, jamoamiz bugun Muborakning “Mash'al” klubi bilan navbatdagi nazorat o'yinida kuch sinashdi. Bundan biroz vaqt oldin “Oq-tepa” o'yingohida yakunlangan uchrashuvda 1:1 hisobi qayd etildi. Birinchi bo'lim so'nggida muborakliklar hisobni ochishdi. Muborakliklarning goliga Maradona Safarov golga mualliflik qildi. Tanaffusdan keyin futbolchilarimiz Alisher Mahmudovning aniq zarbasidan keyin hisobni tenglashtirishdi. Mahmudov zaxiradan maydonga tushgan Ilhom Aliboev ishlagan jarima zarbasini golga aylantirdi. Alisherning 22 metrlar chamasi masofadan yo'llagan zarbasini “Mash'al” posboni Ilyosov qaytara olmadi. Uchrashuv yakuniga qadar shu hisob o'zgarishsiz qoldi.
Jamoamiz uchrashuvni quyidagi tarkibda o'tkazdi: Akmal Tursunboev, Hasanboy Ergashev, Abbos Otaxonov, Tohir Shamsitdinov, Ilhom Boydedaev, Islom Isoqjonov, Azizbek Turg'unboev, A'zam Aliev, Alisher Mirzaev, Dilshod Jabborov, Ravshan Xursanov. Zaxiradan maydonga tushganlar: Abduaziz Sultanov, Alisher Mahmudov, G'ayrat Jo'raev, Ilhom Aliboev, Nodir Ashurmatov.
Murabbiylarimiz qaroriga ko'ra jamoa mashg'ulotlarida ishtirok etayotgan bir qator futbolchilar “Mash'al” uchrashuvda ishtirok etishmadi. Shu sababli, “Mash'al”ga qarshi uchrashuvda Jahongir Mehmonov, G'iyos Komilov, Mirzohid G'ofurov, Alisher Samatov, Ro'zimboy Ahmedov kabi futbolchilar maydonda ko'rinishmadi. Ertaga bo'lib o'tadigan ikki mahallik mashg'ulotdan keyin jamoamizning Toshkentdagi tayyorgarligining dastlabki bosqichi yakuniga etadi.  
— deya xabar beradi uff.uz nashri.