«Barselona» rahbariyati jamoa direktori Pere Gratakosni klub hujumchi Lionel Messini tanqid qilganligi uchun ishdan bo'shatdi, deya xabar qilmoqda Goal nashri. Gratakos o'zining intervyularidan birida: ««Barselona» — bu faqat Messi degani emas. U juda muhim o'yinchi, ammo g'alabaga butun jamoa bilan erishiladi. Neymar, Suares, Inesta, Pike va boshqa futbolchilarsiz Messi bunday yuqori darajaga erisha olmagan bo'lar edi», — degan edi. Xabarlarga ko'ra, kataloniyaliklar klubi Gratakosni «klub qiziqishlariga to'g'ri kelmaydigan fikr bildirish» bandi bilan ayblab, uni direktorlik lavozimidan ozod qilgan.
— deya xabar beradi uff.uz nashri.