«Shaxtyor» klubi himoyachisi va sardori Dario Srna qishda donetskliklar klubini tark etmasligini aytib o'tdi. Avvalroq 34 yoshli xorvatiyalik futbolchining «Barselona»ga o'tishi xabar qilingan edi. «Men avval ham aytganman va hozir ham qaytaraman - mening qalbim doim «Shaxtyor» bilan. Men «Shaxtyor»da qolaman va bu qarorimdan mamnunman. Men yuragimga quloq soldim. U menga «Shaxtyor»da qolishim va jamoa bilan chempionatni yutishim kerakligini aytdi. Men to'g'ri qaror qabul qildim. «Barselona»ga keladigan bo'lsak, men bunga sharh bermayman, chunki bu professionallikka to'g'ri kelmaydi. Eng muhimi, men bir qarorga keldim. Men «Shaxtyor»da qolishni istayman», – deydi Srna. Srnaning «Shaxtyor» bilan amaldagi shartnomasi shu yilning yozida o'z nihoyasiga etadi.
— deya xabar beradi uff.uz nashri.