Futbol bo'yicha XXIV milliy chempionatimiz o'yinlari ham sekin-asta yakuniy pallaga kirib bormoqda.
Joriy yilgi chempionat ayniqsa Farg'onaning “Neftchi” jamoasi uchun o'zgacha tarzda o'tmoqda, desak xato bo'lmasa kerak. Zero mavsum avvalida “Neftchi”ning ishonchli va chiroyli o'yinlar ko'rsatgani sabab jamoaning ko'pchilik muxlislari Farg'ona klubining oldingi mavqeini qayta tiklanayotganidan xursand bo'la boshlashgandi. Ammo ikkinchi davraga kelib “Neftchi” omadsiz o'yinlar “girdobi”ga tushib qoldi va ko'plab bahslarda imkoniyatni boy berib qo'ya boshladi. Xo'sh, bunga sabab nima ekan? Nega “Neftchi” ikkinchi davrani ko'ngildagidek o'tkaza olmayapti? Mazkur savolga javob topish maqsadida jamoa etakchilaridan biri bo'lgan Baxtiyor Yoqubovga murojaat qildik.
- Baxtiyor aka, joriy yilgi chempionat o'yinlari “Neftchi” jamoasi uchun qanday o'tmoqda?
- 2015-yilgi mavsum biz uchun yomon o'tayotgani yo'q. Jamoamiz tez-tez g'alaba qozonish orqali muxlislarni xushnud etishga urinmoqda. Ayniqsa, birinchi davrani yuqori kayfiyatda o'tkaza oldik. Ko'plab uchrashuvlarda zafar quchdik va musobaqa jadvalida etakchilar qatoriga qo'shilishni uddalay oldik. Ammo negadir ikkinchi davrada natijalarimiz biroz pasaya boshladi. O'zimizdan kuchsiz raqiblarga ham ba'zida mag'lubiyatga uchrayapmiz.
Davomi Sports.Uz blogida.
— deya xabar beradi uff.uz nashri.