«Vest Xem Yunayted» klubi rahbarlaridan biri Devid Sallivan jamoa yarim himoyachisi Dimitri Payetning ushbu transfer mavsumida sotilmasligini aytib o'tdi. «Direktorlar kengashining qarori shunday: biz Dimitrini sotishni istamaymiz. Bizda uni sotishga moliyaviy tomondan ham, boshqa tomondan ham hech qanday ehtiyoj yo'q. Shundan kelib chiqib, biz uni qishki transfer vaqtida sotmaymiz», — deya Sallivan so'zlarini keltirmoqda BBC Sport nashri. Ushbu haftada 29 yoshli futbolchining «Vest Xem»da o'ynash niyati yo'qligi va jamoadan ketishni istayotgani to'g'risida xabar tarqalgandi. Keyinroq esa «Vest Xem» klubi yarim himoyachini qishki transfer masumida sotishga qaror qilgani va uning narhini 40 mln funtga baholagani aytilgandi.
— deya xabar beradi uff.uz nashri.