Angliya chempionatining 21-turidan o'rin olgan “Lester” – “Chelsi” uchrashuvi yakunladi. Ushbu uchrashuvda amaldagi chempionga qarshi kurashgan “ko'klar” yirik hisobda g'alabaga erishdilar. Uchrashuvning 6-daqiqasidayoq mehmonlar himoyachisi Markos Alonso Eden Azarning to'p uzatishidan so'ng hisobni ochdi. 51-daqiqada yana o'sha Alonso o'zining va jamoasining ikkinchi golini kiritdi. O'yinning 71-daqiqasida Pedro Rodriges hisobni yirik ko'rinishga olib keldi. Ushbu g'alabadan so'ng “Chelsi” eng yaqin ta'qibchisidan 7 ochkoga ilgarilab ketdi va peshqadamlikni yanada mustahkamladi. Angliya chempionati, 21-tur Lester – Chelsi 0:3  Gollar: 0:1 – 6 Alonso, 0:2 – 51 Alonso, 0:3 – 71 Pedro. Lester – Shmeyxel, Morgan, Chiluell, Fuks, Xut (Okadzaki, 60), Mendi, Ndidi, Drinkuoter, Olbrayton (Simpson, 77), Vardi, Musa (Grey, 71). Chelsi – Kurtua, David Luiz, Keyxill, Alonso, Aspilikueta, Azar (Fabregas, 79), Kante, Villian (Batshuayi, 84), Matich, Pedro (Loftus-Chik, 84), Mozes. Ogohlantirishlar: Fuks (51).
— deya xabar beradi uff.uz nashri.