Italiya chempionati 20 turida "Inter" klubi o'z maydonida "Kevo"ni qabul qildi va 3:1 hisobida qiyin g'alabaga erishdi.
Uchrashuv milanliklar uchun oson boshlanmadi. Birinchi bo'limning 34 daqiqasida "Kevo" futbolchisi Pellisse hisobni ochishga muvaffaq bo'ldi. Shundan so'ng birinchi bo'limda boshqa gol urilmadi.
Ikkinchi bo'limda "Inter" vaziyatni o'zgartira oldi. Ikardi 69 daqiqada hisobni tenglashtirdi. O'yinning oxirgi daqiqalarida Perishich va Ederlar g'alaba keltiruvchi gollar kiritishdi.
Italiya chempionati
20-tur
Inter – Kevo 3:1 (0:1, 3:0)
Gollar:  0:1 – 34 Pellisse, 1:1 – 69 Ikardi, 2:1 – 86 Perishich, 3:1 – 90 Eder.
Inter – Xandanovich, D`Ambrozio, Murilo, Miranda, Ansaldi (Eder, 60), Galyardini, Kondogbia, Kandreva (Palasio, 82), Joau Mariu (Banega, 70), Perishich, Ikardi.
Kevo – Sorrentino, Frey (Spolli, 60), Daynelli, Gamberini, Gobbi, Kastro (de Guzman, 73), Radovanovich, Basten, Birsa (Isko, 46), Pellisse, Medjorini.
Ogohlantirishlar: Birsa (32), Radovanovich (63), Spolli (81).

— deya xabar beradi uff.uz nashri.