Moskvaning "Lokomotiv" klubi himoyachisi Vitaliy Denisov jamoadan ketishi haqidagi xabarlarni inkor etdi. Eslatib o'tamiz, biroz vaqt muqaddam Denisov qishki transfer mavsumida "Lokomotiv"dan ketishni istayotgani va unga Turkiya, Germaniya va Xitoydan taklif borligi xabar qilingan edi.
Ammo 29 yoshli futbolchi bu xabarlarni rad etdi.
"Hech qaysi xorij klubi menga taklif bilan chiqqani yo'q. Xoh Turkiya bo'lsin, xoh Germaniya yoki boshqa biror davlat, hech qanday taklif olmadim.
O'zim ham bu haqida matbuotdan o'qib bildim. "Lokomotiv" rahbariyati ham menga biror qiziqish bo'lgani haqida aytgani yo'q", - deydi Denisov.
Eslatib o'tamiz, Vitaliy Denisov joriy mavsum "Lokomotiv" safida Rossiya chempionatida 15 ta va Rossiya Kubogida bitta o'yinda maydonga tushdi.
— deya xabar beradi uff.uz nashri.