«Manchester Yunayted» klubi hujumchisi Zlatan Ibrahimovich yoshi o'tgan bo'lsada qiyinchiliklardan qochmasligi va kurashishda davom etishini aytib o'tdi. «Mening o'rnimda boshqasi bo'lganida eng oson yo'lni tanlardi – chet elga ketardi, Xitoyda yoki boshqa joyda pul ishlardi va faoliyatidan qoniqqan bo'lardi. Ammo, men kurashishni tanladim. Mana nima uchun «Manchester Yunayted»ni tanladim. Ushbu klub so'nggi yillarda qiyinchiliklarga uchramoqda, agar men jamoaning avvalgi holatiga qaytishiga yordam bersam, juda xursand bo'lgan bo'lardim. Men oddiy vazifa, oson mehnat va odatiy maqsadlarni yomon ko'raman. Men qaerda bo'lmayin doim qiyinchiliklarga duch kelganman. Har safar qolganlardan ko'ra ko'proq ter to'kkanman. 35 yoshga kirib ham mana shu ishlarni qilmoqdaman, ko'pchilik buni uddalay olmasligimni aytgandi, ammo ko'rib turibsiz qo'limdan kelgan barcha mehnatni qilmoqdaman», — deydi Ibrahimovich.
— deya xabar beradi uff.uz nashri.