Antaliyada yangi mavsum tayyorgarliklarini olib borayotgan jamoamiz bugun navbatdagi nazorat uchrashuvini o'tkazadi. Bugun jamoamizga Ruminiyaning Botoshani shahrining “Botoshani” klubi raqiblik qiladi. Uchrashuv bizning vaqt bilan 20:00da boshlanadi. “Botoshani”  klubi 2001 yili tashkil etilgan. Jamoani ruminyalik mutaxasis Leontin Grozavu boshqaradi. Uy o'yinlarini Botoshani shahridagi “Munitsipial” stadionida o'tkazadi, sig'imi 12 0000 o'rin. “Botoshani” 2003/04dan 2013 yilgi mavsumgacha Ruminiya quyi ligasida faoliyat yuritgan. 2013 yildan esa Ruminiya oliy divizionida ishtirok etib kelmoqda. 2014/15 yilgi mavsumni 8-o'rinda tamomlagan mazkur klub, o'zidan yuqorida bo'lgan 4ta klubning UEFA litsenziyalash jarayonidan o'ta olmagani uchun Evropa ligasida ishtirok etish huquqini qo'lga kiritadi. 2015/16 yilgi mavsumda “Botoshani” Evropa ligasi saralashining 2 bosqichida Polshaning “Legiya” klubiga mag'lub bo'lib, ligadagi ishtirokini yakunlagan.  Jamoa safida mahalliy futbolchilar bilan birga braziliyalik, argentinalik, bolgariyalik va litvalik  futbolchilar to'p tepishadi. Yuqorida aytib o'tganimizdek bugungi nazorat uchrashuvi bizning vaqt bilan 20:00da boshlanadi. Uchrashuv Antaliyaning Belek turizm markazining “Papillon Ayscha Hotel” mehmonasi futbol maydonida bo'lib o'tadi.  
— deya xabar beradi uff.uz nashri.